الصفوة… رواد السوشيال للخونة : لازم تتحاكموا فى ميدان عام

شن رواد السوشيال ميديا هجوما عنيفا على شلة اعداء الوطن و المتربصين به حيث قال أحدهم : " الكل متأكد إن طالما أكاذيب شلة العمالة زادت يبقى لازم نتأكد إن البلد ماشية في الطريق الصحيح دول ناس عايزه تعيش في اللادولة يعني ايه يطلبوا إن الناس تخرب وتهدم استقرار بلد أو تقتل ويتخلي سبيلهم كدا عادي.. طبعا في عرف الشلة طالما من ضمنهم وشاربين خيانة زيهم يبقى لازم يطالبوا بكده ولازم يتحاكموا فى ميدان عام بنهمة الخيانة العظمى".

أفقرا أيضا :

الصفوة| رابط سريع للدخول على Edmodo إدمودو.. رفع البحث والتسليم للوزارة 2020

وقال أخر :"نعيق ليلى سويف وبهي الدين حسن وجمال عيد حوالين المطالبة بالإفراج عن كل المحبوسين ده معناه تأصيل لفكرة إن أي حد يغلط أو يخالف القانون مش هيتحاسب وتخيلوا لو الفكرة دي اتأصلت في مجتمع هيحصل فيه ايه ".

وعلق اخر :"العالم دي بتتكلم من خلال كيانات وهمية ليس لها وجود حقيقي أو فعلي بالشارع المصري كلها عبارة عن دكاكين يتم استخدامها لجمع الأموال من بعض الدول المعادية".

وأضاف اخر : " في نفس الوقت يهل علينا المأسوف على عمره علاء الأسواني من الخارج عشان يتكلم عن شادي حبش اللي مات وهو بيحاول يسكر.. فيقول الكاتب الشاذ إن شادي مات من الاكتئاب والمعاملة السيئة.. وطبعا ده كلام من وحي خياله المريض اللي بيستمده من رواياته الفاشلة ".

وبسخرية قال احد رواد السوشيال : " نيجي بقى للمتحرش الكبير اللي عمال يحرض الناس شمال ويمين علشان خاطر يقدموا بلاغات في النيابات يقولوا فيها إن في ناس محبوسة ظلم أو بيتعرضوا لمعاملة غير لائقة أو المطالبة بخلاء سبيل المحبوسين.. إنت نسيت يا خالد يا علي إن أنت أول الناس اللي متعرفش حاجة عن احترام القانون والدليل على كده عدم قراءتك للقضايا اللي الناس دي متهمة فيها وطبعا لازم نفكر الناس تاني بواقعة التحرش بتاعتك واستخدام أصابعك بطريقة غير لائقة".

واضاف أخر : " أما أنت أيها المستر جمال عيد الكذاب.. فقد سجلت كذابا لدى الشعب المصرى إيه بقى منظرك قدام ولادك وأحفادك لما يكبروا ويعرفوا إن هما نشأوا في بيت خاين ".

ويقول ناشط على مواقع التواصل الاجتماعى : " كمان ظهر الأستاذ نجاد البرعي عشان يطالب بإخلاء سبيل كل المحبوسين اللي منهم قتلة وسارقين إيه مصلحتك إن الناس دي تخرج دلوقتي ".

ويقول اخر : "الشلة دي كلها بيجمعها حاجة واحدة وهي إن هما مش قادرين يشوفوا البلد دي مستقرة أو متقدمة لأن ده معناه ببساطة إن هما مش هيعرفوا يسترزقوا من دكاكين الخيانة والعمالة اللي هما مشغلينها لحساب أسيادهم بالخارج ".

واكد احد النشطاء: "الحاجة دايما اللي بتلفت نظرنا إن الشلة دي عمرنا ما شوفناها نعت حد من شهداء الوطن أو أشادوا بجهود الأبطال الحقيقيين اللي محافظين على استقرار البلد دي.. لكن هما معذورين رزقهم مش مع دول خالص".

وحذر اخر : "تحذير من جموع الشعب المصري لشلة العمالة.. أفيقول العالم كله بيتشكل من جديد وخلوا بالكوا إن اللي مشغلينكوا مصالحهم بتتغير ومبيبقوش على حد وبكره هتاخدوا بالـ......؟؟".