الرئيس السيسي: ”مستعد اتكبد ثمن بناء مصر حتى وإن كان موتي”

قال الرئيس عبدالفتاح السيسي، اليوم السبت، متحدثا عن الأوضاع في الدولة المصرية خلال السنوات الماضية: "في 2014 واحد قالي انت أيقونة مصر، انت بطل مصر أوعى تخش فى المسؤولية، أصل بعد كده هيقطعوك".

وأضاف الرئيس السيسي، خلال كلمته في جلسة "الاقتصاد" بمؤتمر "حكاية وطن" بالعاصمة الإدارية الجديدة: "رديت عليه وقلت له لو كان بناء الدولة هيخليهم مش يقطعوني لا كمان يموتوني أنا هعملها وأخش".

الرئيس السيسي يتحدث عن الدولة المصرية في السنوات الماضية

وتابع الرئيس السيسي:" بفكر الدكتور معيط في 2014 وأول زيادة في تخفيض دعم الوقود في 2014 والناس قالت عمل كده ازاى؟ ويعمل كده في نفسه؟، اوعوا تفتكروا إن جاي أقدم نفسي ليكم؟.. لا لا .. لا ده لا يليق خالص".

كما وجه الرئيس السيسي، رسالة إلى الشعب المصري، قائلا: "اصمدوا.. وحولوا الظروف القاسية لمنحة وصدوقني وكل ما تصمدوا كل ما هتعدي.. زي ما عدت أزمة كورونا.. كنت بقول لهم هقفل بيت 5 ملايين أسرة.. أنا بستفيد من الكلام ده بيستدعي موضوعات مهمة".