الصفوة
الثلاثاء 17 نوفمبر 2026 مـ 10:49 مـ 6 جمادى آخر 1448 هـ
موقع الصفوة
رئيس الوزراء يترأس اجتماع المجموعة الاقتصادية وزير العدل يستقبل المدير العام للمنظمة العالمية للملكية الفكرية «ويبو» بالعاصمة الجديدة وزير الخارجية يستقبل الرئيس المُشارك لمؤتمر ميونخ للأمن رئيس الوزراء يلتقي المدير العام للمنظمة العالمية للملكية الفكرية رئيس الوزراء يترأس اجتماع المجلس القومي للأجور فتح باب التقديم للالتحاق بالدفعة الخامسة من برنامج الدبلوماسية الشبابية وزير الصحة يتابع مستجدات تنفيذ المدينتين الطبيتين في العاصمة الجديدة والعلمين وزير الصحة يشارك في المؤتمر الدولي الثامن لتعليم الطب الصيني التقليدي بالقاهرة وزيرة الإسكان تتابع موقف تنفيذ المشروعات وملفات العمل بمدينة بدر رئيس الوزراء يتفقد مصانع «آي لوك» للأدوات الكهربائية وحلول الأمان بالمنطقة الاستثمارية بميت غمر رئيس الوزراء يتفقد مصنع ”تيرا تك للحلول البيئية” لإنتاج قضبان التسليح المركب رئيس الوزراء يتفقد مركز التبرع بالبلازما بالمنصورة

عمر السعيد يوجه رساله لمخرجة ومؤلفة مسلسل ” ليه لأ ” بعد عرض الحلقة الأخيرة

عمر السعيد
عمر السعيد

حرص الفنان عمر السعيد، على توجيه رسالة للمخرجة مريم أبو عوف و المؤلفة مريم نعوم، بعد عرض الحلقة الأخيرة من مسلسل " ليه لأ ".

ونشر عمر السعيد صورا من كواليس مسلسل ليه لأعبر حسابه على إنستجرام، وكتب قائلا :" المريمتان ( أبو عوف ونعوم ).. الأستاذة مريم أبو عوف مخرجة مهمة جداً فى السنين الجاية .. عندها حس ومشاعر قليلون من يملكونها في هذا المجال، وإن كان أهم ما يميز المخرج تفاصيله وشغله وحسه وروحه أو نفسه بالبلدي كدا ".

وأضاف : " عايز أعبرلك عن امتناني وشكري، مش بس عشان اختارتيني لدور مختلف أول مرة أقدمه .. لأ، عشان إصرارك طول الوقت وإهتمامك بالتمثيل حتى لو عدنا كتير، المهم جودة المشهد بكل تفاصيله وعلى رأسها العنصر الأهم وهو الممثل اللي بيحول كلام مكتوب لبني آدمين بمشاعر وأحاسيس وطاقة وحاجات تانية كتير ".

واستكمل : " أنا اشتغلت معاكي في إمبراطورية مين 2014 و بعدين أغنية العالم كله 3 دقات في 2017 وأخيرا ليه لأ؟ ! 2020 .. أنا خدت بالي بنشتغل كل 3 سنين !! لا 2021 وانجزي ".

وأردف فى رسالته : " تستاهلي كل خير على المستوى الشخصي والفني و فرحان بيكي، كسبنا مخرجة مهمة أوي عندها نفس مش قص ولزق !".

كما وجه رسالة للمؤلفة مريم نعوم، قائلا : " الأستاذة مريم نعوم، عايز أشكرك على روحك وإختلافك إنتي وورشة سرد لكل عمل بتقدموه بيبقى مختلف وبجودة أحلى وأحلى .. مريم يا وش السعد، مفيش عمل أنا عملته معاكي منجحش من أول فيلم ليا وأول مرة أمثل في ( واحد صفر ) وأول مسلسل ليا ( ذات ) والسنة اللي فاتت ( زي الشمس ) والسنة دى ليه لأ ؟ ! قصصك بتلمس الناس، شخصياتك بتحاكي واقعهم وحوارك هو الدارج المتقن الطبيعي بين البشر .. أشكريلي سرد ودينا نجم وكل واحد ساهم معانا ".

وأضاف: " المخرجة الاستاذة نادين خان بحبك واتبسطت أوي أوي في المشاهد اللي عملناها سوا .. مودي شاهين انت هتبقى مخرج مهم ! افتكر كلامي، مهم أوي ".

اقرأ أيضا:

عاجل| هل تتوقف الحكومة عن صرف المعاش المبكر لمستحقيه؟