د محمد ممدوح :مجلس الشباب المصري قادر علي اشراك فئات مختلفه في العمل العام

واحدة من أهم مميزات مجلس الشباب المصري هي قدرته على إشراك فئات مختلفة في العمل العام والمرة دي الدور كان على فئة مختلفة كان عندها عزوف سنين طويلة عن المشاركة واكتفت بس بالمشاهدة والمتابعة ولكن عشان ايمان حقيقي إن الجمهورية الجديدة مش هتتبني غير بمشاركة كل شباب هذا الوطن ... وملقيناش مناسبة احسن أو اشرف من ذكرى مولد سيد الخلق عشان نطلق برنامج جديد من منظومة برامج المجلس عشان يتم إشراك اتحاد شباب قبائل الاشراف من مختلف المحافظات في الشأن العام وعشان يكون ليهم دور مؤثر في عملية الإصلاح والتنمية ... مئات من قيادات شباب الاشراف اتجمعوا تحت مظلة مجلس الشباب المصري " عضو التحالف الوطني للعمل الاهلي التنموي" كممثلين عن مئات الآلاف من شباب الاشراف من قنا وأسوان وسوهاج والمنيا وبني سويف والجيزة والفيوم والغربية والشرقية والإسماعيلية وسيناء وكل محافظات مصر اللي قرروا إن هيكون ليهم دور في هذه المرحلة الحاسمة من عمر هذا الوطن وإن الجمهورية الجديدة شباب الاشراف هيكونوا طرف رئيسي في إرساء دعائمها ...