”بكرة هتقع وربنا يرحمنا ونستريح”.. لاعب الزمالك السابق يهاجم مرتضى منصور

شن أحمد عيد عبد الملك لاعب نادي الزمالك السابق، هجومه على مرتضى منصور رئيس مجلس إدارة القلعة البيضاء بعد المداخلة المطولة التي تحدث خلالها عبر قناة النادي.

وكان مرتضى منصور شن هجومه على عدة أطراف خلال مداخلة مطولة استمرت قرابة الساعة، عبر قناة الزمالك في وقت مبكر من اليوم الاثنين.

وقال لاعب الزمالك السابق في رسالة عبر حسابه الرسمي على موقع تبادل الصور والفيديوهات "انستجرام": "كل يوم حكاية ورواية ومبتتعلمش أصلًا وعامل قناة النادي ترد على أعدائك اللي هما ملهمش حصر وكل يوم واحد جديد".

وتابع: "فرقتك ماشية كويس والدنيا مستقرة وتخبط عند المنافس ومش لاقين مخرج يروحوا رامينلك طعم تقعد عليه شهر تتكلم في قناة المفروض بتدافع عن النادي مش عاملها بتدافع عن نفسك وتسب وتشتم فيها وبتدخل النادي في دوامة وياريت بتتعلم".

وأضاف مهاجم الزمالك السابق: "وسؤال بس، هو ازاي الضيف اللي بيجي كل يوم بيرضى يقعد يسمع المكالمة بس وبيتكلم دقيقتين ويقوم يروح؟".

اقرأ أيضًا: ”الحمار يكشفه نعيقه”.. أحمد شوبير يرد على هجوم مرتضى منصور

واختتم أحمد عيد عبد الملك تصريحاته: "ربنا يرحمنا ونستريح، واللي موافقك وبيطبلك بكرة أما تقع هيستخبى ويطبل لغيرك ومحدش بينسى".