فنون

صداع وترجيع وتكسير عظام.. كريم قاسم يكشف تفاصيل إصابته بفيروس كورونا (فيديو)

الأحد، 7 يونيو 2020 01:23 مـ بتوقيت القاهرة

طل الفنان الشاب كريم قاسم، على متابعيه عبر موقع تبادل الصور والفيديوهات "إنستجرام"، وكشف تفاصيل إصابته بفيروس كورونا القاتل منذ 3 أسابيع.

وتحدث كريم قاسم، أنه أصيب بفيروس كورونا منذ 3 أسابيع وقرر الحديث عن الأعراض التى ظهر عليه وكيف تعامل مع الفيروس، قائلا: "عرفت بكورونا من شهر 3 وعايش مع والدى لوحدنا عنده 79 سنة اترعبت وكنت خايف عليه وسبت البيت عشان كنت بنزل اشتغل وعندى التزامات مكنش ينفع اوقف شغل خلصت تصوير آخر أبريل يوم 17 و18 مايو ظهر لى أعراض كورونا وأول حاجة ظهرت صداع جامد حرارة تكسير فى العظام جامد جدا".

وتابع كريم قاسم، "بعد 12 ساعة ما ظهرت الأعراض كلمت كل اللى قابلتهم فى آخر 14 يوم للاطمئنان على نفسهم، 4 و5 يوم كنت بموت وفقدت حاسه التذوق وكنت هعمل فيديو الوصية وباخد بالى من نفسى لوحدى وصعبة عاليا نفسى وكنت خايف أموت لوحدى ويكسره عليا باب الشقة، 6 و7 يوم بدأت اتحسن ".

وأضاف، بعمل الفيديو ده ليه عشان الناس اللى جالها كورونا واللى هيجلها كورونا، يمكن شهادتى تفيد ناس كتيره عندك اعراض كحه خفيفه اسهال ترجيع صداع خليك فى البيت وعالج نفسك متخدش مكان حد محتاج مكان فى المستشفى، الموضوع مش سهل ولا بسيط ولا هزار الموضوع جد مش دور برد وخلاص لو حد كلمك وقالك انه جاله اعراض كورونا اسمعه كويس متستهرش بكلامه، ولو اتعملنا بوعى الموضوع هيعدى".

واختتم كريم قاسم الفيديو بشكر جميع الناس التى سألت واطمأنت عليه وأعطت له طاقة إيجابية وأرسلت له طعاما من أصدقائه وأسرته.