القصة الكلمة لحرب التصريحات.. عضو مجلس الأهلي يصف تركي آل الشيخ بالفيروس.. والأخير يرد ”هلفوت”
شهدت الساعات القليلة الماضية، حرب تصريحات بين محمد سراج الدين عضو مجلس إدارة النادي الأهلي، وتركي آل الشيخ رئيس الهيئة العامة للترفيه بالمملكة العربية السعودية، بسبب هجوم الأخير على مجلس إدارة النادي الأهلي.
وكان "آل الشيخ" قد هاج مجلس إدارة النادي الأهلي دون سابق إنذار عبر صفحته الرسمية على موقع التواصل الاجتماعي "فيسبوك"، ومتهمًا إياهم بتسخير لجان إلكترونية لمهاجمته على مواقع التواصل الاجتماعي.
لكن عضو مجلس إدارة الأهلي لم يقبل اهانات تركي آل الشيخ، وكتب عبر صفحته الشخصية على موقع التواصل الاجتماعي "فيسبوك"، قائلًا:" بعيد عن الكورونا، ربنا يحفظنا ويسلمنا منها جميعًا في فيروس عجوز، موجود من زمان في قطاع الرياضة في مصر وفي فيروس تاني عيل لسه مستجد من الخارج".
وتابع: " الفيروسات دي بتنشر فتن وقرف ومشاكل طول الوقت في الرياضة وبين الناس وبين بعض وبين أكبر جمهورين في مصر، اللي أنا واحد مرضاش بإحداث أي نوع من أنواع الفتنة بينهم بأي شكل من الأشكال احنا في النهاية ولاد بلد واحدة نختلف اه نهزر مع بعض اه لكن تطاول وأذى ده منبوذ ومرفوض بالنسبالي من الجانبيين".
وأكمل سراج الدين: " المشكلة أن الفيروسات دي مختلفة عن الكورونا في حاجة، وهي أن لها علاج بس العلاج لازم يجي من الدولة، ويكون جذري.. الدولة اللي أنا بحترمها وبقدرها عشان محدش يزايد عليا، أنا ابن مؤتمر الشباب ودايمًا بكون فخور بده وظهوري الأول هناك في ٢٠١٦".
واختتم:"عرضي لأفكاري كان دفعة ونقلة ليا في أمور تانية كتير مؤتمر شباب مصر اللي كله طموح وتفاؤل وفكر ونقاء، مش أجواء عشوائية وفتن وبلطجة تعوق الواحد عن أهدافه وطموحه الحقيقي لرفعة بلده وناديه المفضل.. اتمني يكون في مستمع لأن فاض الكيل.. اللهم بلغت اللهم فاشهد".
وشن تركي آل الشيخ هجومًا شديدًا على عضو مجلس إدارة النادي الأهلي، حيث كتب: "هوا مين الهلفوت ده محمد سراج الدين؟ ايه موقعك من الاعراب بس قبل مرد عليك يا هلفوت؟".
وعاود محمد سراج الدين الرد على " آل الشيخ"، حيث كتب:" هو أنا متربي وهادي الحمد لله ودي نعمة ربتني عليها والدتي الأستاذة الجامعية ووالدي وهو لواء مدفعية سابق في الجيش المصري".
وأضاف عضو مجلس الأهلي: "بس افتكر إنه كان علمني كمان أن الكرامة دي اعلى وأهم صفات الإنسان، وإن عمري ما أقبل أي تجاوز في حقي، وأنا بشفق عليك حقيقي لأنك ملقتش حد يربيك تربية سوية أو يعلمك ان مش كل حاجة المظاهر والشو والهبل اللي بتعمله ده اللي خلاك مسخة أمام العالم كله في قيم ومعاني وأصول أهم وأسمى من كده بكتير".
اقرأ أيضًا: الغندور يتراجع.. الأهلي نادي القرن المحلي وليس الإفريقي
واختتم: "بس أنت معذور متعرفهاش بحمد ربنا إني اتربيت كده وأنا مش بشوفك يا تركي ال شيخ من اول يوم غير واحد ناقص وجاهل وهفضل اشوفك كده على طول وعلى فكرة انت مش كاسر عيني وانت عارف كده كويس ولا عمرك هتقدر في أحلامك حتى تكسرها ولا انت ولا اتخن تخين"
