هنا الزاهد تعلق بعد تشبيهها بنجلاء فتحي: «معملتش أسناني بسببها»
ردت الفنانة هنا الزاهد على تصريحات الفنان هشام إسماعيل التي شبهها فيها بالفنانة نجلاء فتحي، موضحة أنها فنانتها المفضلة وبسببها لم تغير من شكل أسنانها.
وقالت هنا الزاهد في لقاء مع برنامج "سينماتيك":"شكرا أوي أوي ودي حاجة كبيرة أوي إنه يشبهني بفنانة مفضلة بالنسبة ليا وحاجة كبيرة، أنا بموت فيها وبحب صوتها، أنا بسببها معملتش أسناني لأن هي طلعت أسنانها مكنتش بيرفكت وأنا أسناني مش بيرفكت، بسببها أنا قلت واحدة قمر زي دي إيه المشكلة لما أسناني تبقى معوجة".
وتابعت: "ناس كتير بتقولي أعملي أسنانك وشايفة أن لأ مش عايزة أعملها بسبب أن في ناس قديمة مكنتش عامله أسنانها والناس بتحبهم هي ممثلة عظيمة وأفلامها حلوة أوي ومامتي شبهها أكتر مني بكتير وهي صغيرة وزمان وهي ماشية في الشارع ولابسة نضارة شمس الناس بيفتكروها هي".
