كريم سرور يعلن عن إصابته بفيروس كورونا
أعلن الفنان الشاب كريم سرور عن إصابته بفيروس كورونا، وذلك من خلال حسابه الشخصي على موقع التواصل الاجتماعي "فيسبوك".
كتب كريم سرور منشورًا قال فيه :"
كنت متردد جدًا فى كتابة البوست ده بس قلت لازم الناس تعرف عشان تاخد بالها و لله الأمر من قبل و من بعد، أعراض ڤيروس كورونا المستجد ( الموجة التانية من الڤيروس ) هو إصابة الجهاز الهضمى قبل التنفسى، فيه أعراض أولية معروفة و شائعة زى تكسير شديد فى الجسم و سخونية عالية جداً وبتنزل فجأة بدون مبرر وفجأة تعلى تاني أوي، ضيق في التنفس برضه مش طول الوقت خفقان فى القلب و زيادة سرعة ضرباته بشكل يخوف جدًا، فقدان الشهية و عدم الإحساس بالطعام ".
وتابع كريم سرور قائلاً :" أما الأعراض المستجدة بالنسبة للمعروف للناس هو ألم شديد فى البطن، المعدة والقولون ، اسهال شديد و شوية و بيقلب بإمساك شديد، ألم المعدة بيمتد للجناب و الضهر و أحيانًا الرقبة، وحاجة كدة أشبه بحالات الإغماء بتستمر لمدة ١٠ دقايق أو نص ساعة بالكتير و ده أظن بسبب مقاومة الجهاز المناعى للڤيروس لأنه ساعتها بتكون درجة حرارتي عالية جدًا، شعور مستمر بالقيئ بس مبيحصلش، وأظن دى طبيعة جسمي أنا عادة مبرجعش خالص، الأعراض غير مستقرة و بتيجي و تروح وتقل و تزيد و الثابت فيها هو عدم القدرة على التنفس بشكل جيد ( كأن فيه حاجة على صدرك ) و ألام شديدة فى البطن، دى الأعراض اللي عندي بقالها ١١ يوم و أنا كنت فاكر إنها من القرحة المزمنة اللي عندى لحد ما حللت و التشخيص كان إصابتى بڤيروس كورونا المستجد ".
واختتم كريم سرور كلامه قائلاً :" الأعراض كانت شديدة جدًا و لا تحتمل في أول ٤ أو خمس ايام و بعدين بدأت تقل لكنها فجأة بتزيد جدًا، بس أنا أحسن دلوقتى الحمدلله إتمنولي الشفاء و أى حد خالطني في آخر ٢٥ يوم يتأكد إنه تمام بس، أسف جدًا أكيد مكنتش أعرف، شكرًا".
والجدير بالذكر أن كريم سرور شارك في السباق الرمضاني الماضي من خلال مسلسل "فرصة تانية"، وهو من تأليف مصطفى جمال هاشم، معالجة دراما محمد سيد بشير، إخراج مرقس عادل، وبطولة ياسمين صبري، أحمد مجدي، آيتن عامر، هبة مجدي، دياب، محمود البزاوي، هبة عبد الغني، سارة الشامي، محمد أبو داوود، أحمد الشامي، نهال عنبر، عمر الشناوي، محمد جمعة.
